አባትሽ ጀነራል ወንድምሽ ሻለቃ
እናትሽም ዳኛ እህትሽ ጠበቃ
ታዲያ እንዴት ብዬ ልጥላሽ ለደቂቃ
በዚህ ሁሉ ጉልበት ተከበሽ እያየው
እኔስ ምን አቅብጦኝ አንቺን አጠላለው
ደግሜ ደግሜ ውዴ እወድሻለው
አዎ እወድሻለው
"እልፍ አህላፍ ለሊት
ሚሊዮን መሠለኝ
እኔ አንቺን ስወድሽ
ስወድሽ ስወድሽ
ስወድሽ ስወድሽ"
የሚለውን ግጥም
ሁሌ ማነብልሽ
ለምን እንደሆነ
አድምጪኝ ልንገርሽ
ውዴ.........
አንቺና መንግስቴን
እንዲህ ምወዳቹ
ለሞት እንዳትሰጡኝ ስለምፈራቹ
ውበትሽ አይኔን double click አድርጎ Enter ብሎ ልቤ
ውስጥ ከገባ ሰነባብቷል : :
ውዴ ሆይ ዛሬም ድረስ የስሜቴን keyboard የሚነካካው
ትዝታዬ መልክሽን screen saver በማድረግ ልቤ Save
አድርጎ ይዞሻል : : የኔ ፍቅር ሀያሉ ናፍቆትሽ Monitorን
አቃጥሎ ከማበዴ በፊት ውስጤ ለተፈጠረው ቅናት ማምከኛ
የሚሆን Antivirus እንዲሆን የብዕርሽን ቪዝዋል ግዕዝ ላይ
አድርጊና ደብዳቤ Type አድርገሽ ላኪልኝ...
ደግሞ አንዷን ለመጥበስ የኔን ደብዳቤ Copy አድርጉና Delet
ነው ማደርጋቹ ወንዶች ሰምታቹዋል......
ባር ባር አለው ሆዴ ልቤ መሬት ለቆ
ሊያከንፈኝ እንዳይሆን አለግብሩ መጥቆ
አለአስተዳደጉ አለባህሉ ወድቆ
ሽው እልም ሽው እልም ልቤ ወፌ ይላላ
በመስተፋቅር ቀስት በሮሮ ምህላ
እንደደመና አክናፍ እንደጮራው ጥላ
ሽው እልም ሽው እልም ሽው እልም ይላላ
ነሸጠው ሸፈጠ ሄደ ሸመጠጠ
በመስተፋቅር ቀስት በሮሮ አመለጠ።
ሎሬት ፀጋዬ ገ/መድህን
በጠራ ጨረቃ በእኩለ ሌሊት
አይኖቿ እያበሩ እንደ ከዋክብት
«ሳማት ! ሳማት !» አሉት
«እቀፍ ! እቀፋት።»
አላወላወለም ወጣቱ ታዘዘ
ወገቧን አንገቷን እጇን በእጁ ያዘ
ምንም እንኳ ጡቷ እንደሾህ ቢዋጋ
ጣቷ በመሆኑ የጉማሬ አለንጋ
ጆሮ ግንዱን ሰማው በጥፊ ሲናጋ።
ዋ ጀማሪ መሆን ! ዋ ተማሪነት
ዋ ትእዛዝ መፈጸም ዋ ምክር መስማት !
በጠራ ጨረቃ በኩለ ሌሊት...
መንግስቱ ለማ
★ * ★ * ★ * ★* * ★ ★ ★ * ★ * ★ ★* * ★ ★ * ★ * ★ * * ★ ★ ★
አምባ ወጥቼ እኩለ-ሌት ፤ ስለት ገብቼ በስሟ
ከርሞ ሰይጣን በሷ አስቶኝ፤ ልገላገል ከህመሟ
ጠበሏ አፋፍ በጨረቃ፤ ደጋግሜ፤ ማህሌት ቆሜ
ሆዴ ቃትቶ ባር ባር ብሎ፤እርቃኔን ከሷ ታድሜ
ደጀ ሰላሟን በአራት እግር፤ ተንበርክኬ ተሳልሜ
በስጋዬ እሚነደውን፤ በጸሎት ላቤ አጣጥሜ
እፎይ ብዬ አመስግኜ፤ ውዳሴዋን ደጋግሜ...
ገና ከደጅዋ እልፍ ሳልል፤ ደሞ ይምጣ የቁም ህልሜ?
ሌት በጥምቀቷ የነጣው፤ ነጋ፤ ደፈረሰ ደሜ።
ለሷ እንጂ ለኔ አልያዘልኝ፤ አዬ የስለት አታምጣ!
በውጣ ውረድ በጠበል፤ ባሣር ወዜ ቢገረጣ
ልክፍቷ እንደሁ አልለቀቀኝ፤ መሸ ደሞ አምባ ልውጣ!
ሎሬት ጸጋዬ ገ/መድሀን፣ እሳት ወይ አበባ!
ር ጥላ ሲጥል
በገና
ቢቃኙ፡
ሸክላ
ቢያዘፍኑ
ክራር
ቢጫወቱ፡
ለሚወዱት
ምነው
ሙዚቃ
ቢመቱ
ቢቀኙ
ቢያዜሙ
ቃል
ቢደረድሩ
ጌጥ
ውበት
ቢፈጥሩ
ቤት
ንብረት
ቢሠሩ
አበባ ቢልኩ
ደብዳቤ
ቢልኩ
ምነው ______
ቢናፍቁ !
አገር
ቢያቋርጡ ______
ቢሔዱ
ቢርቁ
ዓመት
ቢጠብቁ
ዘመን
ቢጠብቁ።
ለሚወዱት ምነው ....
ገብረ ክርስቶስ ደስታ
1998፡ 96-97
